மச்ச சாஸ்திரம்

நம் அங்கம், அதாவது உடலில் மச்சங்கள் தோன்றும் இடங்களின் அடிப்படையில் பலன்களை சொல்லி இருக்கிறார்கள். காலம்காலமாக பெரும்பாலான பலன்கள் ஒத்துப்போவதை நடைமுறையில் காண்கிறோம். சிலருக்கு திடீர் அதிர்ஷ்டம், பதவி, சொத்து சேர்க்கை, ஆடம்பர வாழ்க்கை வரும்போது ‘அவன் மச்சக்காரன்’ என்பார்கள். பிறக்கும்போதே மச்சம் இருக்கும். நடுவே தோன்றுவதும் உண்டு. ஆனால் இது அபூர்வமான அமைப்பாகும். பிறக்கும்போது தோன்றும் மச்சங்கள் சிறுபுள்ளி, கடுகளவு, மிளகளவு மற்றும் அதைவிட பெரிதாகக்கூட இருக்கும். இவை மறையாது என்பதால் அங்க அடையாளமாக குறிப்பிடப்படுகிறது. இந்த மச்சங்கள் சிலருக்கு ஆரம்ப காலத்தில் இருந்தே நற்பலன்களை கொடுக்கும். இந்த பலன்கள் ஆண், பெண் என்று தனித்தனியாக வெவ்வேறு யோகங்கள் தரவல்லது.

ஆண்களுக்கான மச்ச பலன்

புருவங்களுக்கு மத்தியில் - நீண்ட ஆயுள்

நெற்றியின் வலது புறம் - தனயோகம்

வலது புருவம் - மனைவியால் யோகம்

வலது பொட்டு (நெற்றி) - திடீர் அதிர்ஷ்டம்

வலது கண் - நண்பர்களால் உயர்வு

வலது கண் வெண்படலம் - புகழ், ஆன்மீக நாட்டம்

இடது புருவம் - ஏற்ற, இறக்கம், செலவாளி

மூக்கின் மேல் - சுகபோக வாழ்க்கை

மூக்கின் வலதுபுறம் - நினைத்ததை அடையும் அம்சம்

மூக்கின் இடதுபுறம் - கூடா நட்பு, பெண்களால் அவமானம்

மூக்கின் நுனி - ஆவணம், கர்வம், பொறாமை

மேல், கீழ் உதடுகள் - அலட்சியம், காதல் வயப்படுதல்

மேவாய் (உதடுகளுக்கு மேல்) - செல்வாக்கு, இசை, கலைத்துறையில் நாட்டம்

வலது கன்னம் - வசீகரம், தயாள குணம்

இடது கன்னம் - ஏற்றத்தாழ்வு

வலது காது நுனி - சில கண்டங்கள் வரலாம்

இடது காது நுனி - தகாத சேர்க்கை, அவமானம்

காதுகளின் உள்ளே - பேச்சாற்றல், திடீர் யோகம்

தொண்டை - திருமணத்துக்கு பிறகு யோகம்

கழுத்தின் வலதுபுறம் - சொத்து சேர்க்கை, ஆடம்பர வாழ்க்கை

இடது மார்பு - ஆண் குழந்தைகள் அதிகம், பெண்களால் விரும்பப்படுவார்

வலது மார்பு - பெண் குழந்தை அதிகம், அன்பு மிகுந்தவர்

வயிறு - பொறாமை குணம், தகுதிக்கு மீறிய ஆசை

அடிவயிறு - திடீர் அதிர்ஷ்டம், பெண்களால் யோகம், அதிகார, ஆடம்பர வாழ்க்கை

புட்டம் - அந்தஸ்து உயரும், செல்வச் செழிப்பு

பெண்களுக்கான மச்ச பலன்

நெற்றி நடுவே - புகழ், பதவி, அந்தஸ்து

நெற்றி வலதுபுறம் - தைரியம், பணிவு இல்லாத போக்கு

நெற்றி இடதுபுறம் - அற்ப குணம், டென்ஷன், முன்கோபி

மூக்கின் மேல் - செயல்திறன், பொறுமைசாலி

மூக்கின் இடதுபுறம் - கூடா நட்பு, பெண்களால் அவமானம்

மூக்கின் நுனி - வசதியான வாழக்கை, திடீர் ஏற்றங்கள்

மேல், கீழ் உதடுகள் - ஒழுக்கம், உயர்ந்த குணம்

மேல் வாய் பகுதி - அமைதி, அன்பான கணவர்

இடது கன்னம் - வசீகரம், விரும்பியதை அடையும் போக்கு

வலது கன்னம் - படபடப்பு, ஏற்ற, இறக்கமான நிலை

வலது கழுத்து - பிள்ளைகளால் யோகம்

நாக்கு - வாக்கு பலிதம், கலைஞானம்

கண்கள் - கஷ்ட நஷ்டம், ஏற்றம், இறக்கம்

இடது தோள் - சொத்து சேர்க்கை, தயாள குணம்

தலை - பேராசை, பொறாமை குணம்

தொப்புளுக்கு மேல் - யோகமான வாழ்க்கை

தொப்புளுக்கு கீழ் - மன அமைதியின்மை, பொருள் நஷ்டம்

தொப்புள் - ஆடம்பரம், படாடோபம்

வயிறு - நல்ல குணம், நிறைவான வாழ்க்கை

அடிவயிறு - ராஜயோக அம்சம், உயர்பதவிகள்

இடது தொடை - தடுமாற்றம், ஏற்ற இறக்கங்கள்

வலது தொடை - ஆணவம், எடுத்தெறிந்து பேசுதல், தற்பெருமை

புட்டங்கள் - சுகபோக வாழ்க்கை, எதையும் சாதிக்கும் வல்லமை

நன்றி: தமிழ் உலகம்

Read More

“KFC” Chicken செய்யும் முறை

தேவையான பொருட்கள்

ஊற வைக்க:

எலும்புடன் ஒரு முழு கோழி (துண்டுகள் போட்டது) 

(அ) லெக் பீஸ் – ஒரு கிலோ

வெங்காயம் – ஒன்று (பெரியது)

தக்காளி- ஒன்று (பெரியது)

இஞ்சி – மூன்று அங்குல துண்டு

பூண்டு – ஆறு பல்

பேக்கிங் பவுடர் – ஒரு தேக்கரண்டி

உப்பு – தேவையான அளவு

டிப் செய்து பொரிக்க:

மைதா – ஒரு கப்

கார்ன் ப்ளார் – கால் கப்

மிளகாய் தூள் – 2 தேக்கரண்டி

உப்பு – அரை தேக்கரண்டி

எண்ணெய் + பட்டர் – பொரிக்க தேவையான அளவு

செய்முறை:

வெங்காயம் மற்றும் தக்காளியை துண்டுகளாக நறுக்கி வைத்துக் கொள்ளவும். இஞ்சியை தோல் சீவி விட்டு துண்டுகளாக நறுக்கிக் கொள்ளவும். சிக்கனை சுத்தம் செய்து எடுத்துக் கொள்ளவும்.

இஞ்சி, பூண்டு, வெங்காயம், தக்காளி சேர்த்து அரைத்துக் கொள்ளவும். சுத்தம் செய்த சிக்கனை ஒரு பாத்திரத்தில் போட்டு அதனுடன் அரைத்த விழுது மற்றும் பேக்கிங் பவுடர் சேர்த்து சிக்கன் மூழ்கும் அளவு தண்ணீர் ஊற்றி மூன்று மணி நேரம் ஊற வைக்கவும். ஊறியதும் எடுத்து நன்கு தண்ணீர் வடித்து வைத்துக் கொள்ளவும்.

டிப் செய்ய கொடுத்துள்ள பொருட்களை கலந்து அதில் தண்ணீர் வடித்து வைத்திருக்கும் சிக்கனை எல்லா இடத்திலும் படும்படி டிப் செய்யவும்.

வாணலியில் எண்ணெய் மற்றும் பட்டர் ஊற்றி காய்ந்ததும் சிக்கனை போட்டு பொரித்து எடுக்கவும். பொரிக்கும் போது தீயை மிதமாக வைத்து மூடி போட்டு நன்கு பொரிய விட்டு பிறகு தீயை அதிகமாக வைத்து பொரித்து எடுக்கவும்.

மொறுமொறு சுவையான KFC Chikken ரெடி.

நன்றி: Ceylon Muslim

Read More

கோபத்தை குறைக்க சில வழிகள்

1. கோபத்தின் முக்கிய காரணியான வெறுப்பை கைவிடுங்கள்.
2. மற்றவர்களையும் அன்போடு பாருங்கள்.
3. நிதானமாக கோபமூட்டிய நபரின் சூழ்நிலையை சிந்தியுங்கள்.
4. கோபத்தை ஏற்படுத்தும் நிகழ்ச்சிகளை தவிர்த்திடுங்கள். உடனே உங்கள் மனதை வேறு விசயத்தில் திருப்புங்கள்
5. அவசரம் ஒருபோதும் வேண்டாம். பொறுமையாக இருங்கள்.
6. நேரம் மேம்பாடு மற்றும் சுய கட்டுப்பாட்டை கடைபிடியுங்கள்.
7. செய்யும் வேலையை நேசத்துடன், நேர்மையுடன், குழப்பம் இல்லாமலும் செய்யுங்கள்.
8. கோபம் வருகிற சூழ்நிலைகளில் அதிகம் பேசாதீர்கள். மெளனமாக இருங்கள்.
9. நமது கெளரவம் பாதிக்கப்பட்டதை மறந்து மற்றவர்களை விட நமக்கு இறைவன் அளித்த வாய்ப்புக்களை நினைத்து இறைவனுக்கு நன்றி செலுத்துங்கள்.
10. எவ்வளவு கோபம் ஏற்படுகிறதோ, அதை பொறுத்து 1 முதல் 100 வரையிலான எண்களை எண்ணிடுங்கள்.
11. சில நிமிடத்தில் உங்களது சூழ்நிலையை மாற்றுங்கள். அமர்ந்திருந்தால் எழுந்து நடங்கள். நடந்து கொண்டிருந்தால் சற்று நின்று கொள்ளுங்கள்.
12. கோபம் வருகிறது என்று தெரிந்ததும், ஒரு டம்ளர் தண்ணீர் குடியுங்கள். முகத்தை கழுவுங்கள் அல்லது ஒரு சுகமான குளியல் போடுங்கள்.

Read More

பிரசவத்திற்கு பின் பெண்கள் சாப்பிட வேண்டிய உணவுகள்

பெண்கள் கர்ப்பமாக இருக்கும் போது குழந்தை ஆரோக்கியமாக வளர்வதற்கு ஒருசில உணவுகளில் இருந்து விலகி இருக்க வேண்டியிருக்கும். அதைப் போல் குழந்தைப் பிறந்த பிறகு ஒருசில உணவுகளின் மீது ஆசை அதிகம் எழும். அதிலும் அத்தகைய உணவுப் பொருட்கள் அனைத்தும் கர்ப்பமாக இருக்கும் போது சாப்பிடக் கூடாதவையாக இருக்கும். ஏனெனில் அவற்றில் கலோரிகள் அதிகப் படியாக இருப்பதால், அவற்றை தவிர்க்க வேண்டுமென்று சொல்வார்கள்.

ஆனால் கீழே கொடுக்கப்பட்டுள்ள உணவுப் பொருட்களை பிரசவத்திற்கு பின் பெண்கள் எந்த ஒரு பயமின்றியும் சாப்பிடலாம் என்று வல்லுனர்கள் கூறுகின்றனர்.

பாஸ்தா

இத்தாலியன் உணவுப் பொருட்களில் ஒன்றான பாஸ்தாவை பிரசவத்திற்கு பின் சாப்பிட பெண்கள் பயப்படுவார்கள்.ஆனால் அப்படி பயப்படத் தேவையில்லை. இதில் கலோரிகள் அதிகம் இருப்பதோடு, நீண்ட நேரம் எனர்ஜியுடன் இருக்க உதவியாக இருக்கும். இருப்பினும் அளவாக சாப்பிடுவதே நல்லது.

சீஸ்

பிரசவத்திற்கு பின் பெண்கள் சாப்பிட வேண்டிய ஆரோக்கியமான உணவுப் பொருட்களில் ஒன்று தான் சீஸ். ஏனெனில் பிரசவத்தின் போது பெண்கள் அதிகப்படியான கால்சியம் சத்தை இழக்க நேரிடும். ஆகவே கால்சியம் அதிகம் நிறைந்த பால் பொருட்களில் ஒன்றான சீஸை உணவில் சேர்த்துக் கொள்ளுங்கள். குறிப்பாக தாய்ப்பால் கொடுக்கும் பெண்கள் சாப்பிடுவது மிகவும் நல்லது.

சிட்ரஸ் பழங்கள்

சிட்ரஸ் பழங்களைக் கூட பிரசவத்திற்கு பெண்கள் சாப்பிடலாம். இருப்பினும் சிட்ரஸ் பழங்களான ஆரஞ்சு, அன்னாசி, திராட்சை போன்றவற்றை அளவாக உட்கொள்வது நல்லது. ஏனெனில் அதிகமாக சாப்பிட்டால், ஜலதோஷம் பிடித்துக் கொள்ளும்.

சூரியகாந்தி விதை

சூரியகாந்தி விதைகளில் ஃபோலிக் ஆசிட் அதிகம் உள்ளது. இந்த சத்து பிரசவம் ஆன பெண்களுக்கு மிகவும் இன்றியமையாதது. அதிலும் தாய்ப்பால் கொடுக்கும் பெண்கள் அவசியம் சாப்பிட வேண்டியது. எனவே குழந்தைக்கு பால் கொடுக்கும் முன், ஒரு கையளவு சூரியகாந்தி விதைகளை சாப்பிட வேண்டும். இதனால் அது தாய்ப்பாலின் சுரப்பை அதிகரிக்கும்.

காபி

கர்ப்பமாக இருக்கும் போது காப்ஃபைன் அதிகம் உள்ள உணவுப் பொருட்களை உட்கொள்ளக் கூடாது. ஏனெனில் அது கருவின் வளர்ச்சிக்கு பாதிப்பை ஏற்படுத்தும். ஆனால் பிரசவத்திற்கு பின் காபி குடித்தால், அது உடலை ரிலாக்ஸ் அடையச் செய்து, புத்துணர்ச்சிக் கொடுக்கும்.

பால்

ஒவ்வொரு புதிய தாய்மார்களும் பிரசவத்திற்கு பின் சாப்பிட வேண்டிய உணவுப் பொருட்களில் ஒன்று தான் பால். ஏனெனில் பாலில் அவர்களுக்கு தேவையான கால்சியம் அதிகம் நிறைந்துள்ளது. அதுமட்டுமின்றி, பாலானது தாயப்பாலின் சக்தியை அதிகரிக்கும். ஆகவே குழந்தைக்கு தாய்ப்பால் கொடுக்கும் 1 மணிநேரத்திற்கு முன், ஒரு டம்ளர் பால் குடிக்க வேண்டும்.

பச்சை இலைக் காய்கறிகள்

பச்சை இலைக் காய்கறிகளில் வைட்டமின் கே அதிகம் நிறைந்துள்ளது. இத்தகைய வைட்டமின் கே நிறைந்துள்ள உணவுப் பொருட்களை பெண்கள் தங்கள் பிரசவத்திற்கு பின் சாப்பிட்டால், தாய்ப்பாலின் மூலம் குழந்தைகளின் உடலில் இரும்புச்சத்து உறிஞ்சும் தன்மை அதிகரிக்கும்.

மீன்

மீன்களில் ஒமேகா-3 ஃபேட்டி ஆசிட்டி நிறைந்துள்ளது. அதிலும் சால்மன், டூனா போன்ற மீன்களில் இச்சத்து மிகுந்த அளவில் உள்ளது. ஆகவே இதனை பெண்கள் சாப்பிட்டால், குழந்தைகளின் மூளை மற்றும் கண் வளர்ச்சிக்கு உதவியாக இருக்கும். அதிலும் வாரத்திற்கு 2 முறைக்கு மேல் மீனை சாப்பிடக்கூடாது.

ஆரோக்கியமான கார்போஹைட்ரேட்

பிரசவத்தின் போது இழக்கப்பட்ட உடலின் எனர்ஜியை அதிகரிப்பதற்கு, கார்போஹைட்ரேட் மிகவும் அவசியமானதாக உள்ளது. ஆகவே பிரசவத்திற்கு பின் பெண்கள், ஆரோக்கியமான கார்போஹைட்ரேட் நிறைந்த உணவுப் பொருட்களான கைக்குத்தல் அரிசி அல்லது பார்லி போன்றவற்றை உணவில் சேர்த்துக் கொள்ள வேண்டும்.

நன்றி: யாழ்ஓசை

Read More

சமூசா போண்டா பஜ்ஜிக்கு புற்றுநோய் இலவசம்.

அரசு மருத்துவமனைக்கு வந்த வயிற்றுப் புற்றுநோயாளிகளிடம் நயீம் என்ற மாணவர் எடுத்த புள்ளி விபரத்தின் படி மேற்படி நோயாளி களில் பெரும்பாலானோர் தினம் தோறும் பஜ்ஜி,வடை சாப்பிடுபவர் களாய் இருந்திருக்கிறார்கள். சில பேர் புகையிலை பயன்படுத்துபவர் களாகவும், சிலர் புகைபிடிப்பவர் களாகவும் இருந்திருக்கின்றார்கள்.

டீக்கடைகளில் விற்கப்படும் போண்டா, பஜ்ஜி, வடைகள் Reuse என்று அழைக்கப்படும் முன்பே பயன்படுத்திய எண்ணெய் கலந்து தயார் செய்யப்பட்டவை என்கிறது ஒரு புள்ளி விபரம்.

பெரும்பாலான டீக்கடைகளில் பாலை சுட வைப்பதே இல்லை. வடை, போண்டா, பஜ்ஜி, சமூசா போன்ற எண்ணெய் பதார்த்தங்கள் பயன்படுத்திய எண்ணெயுடன்,புதிய எண்ணெயை சேர்த்துத்தான் தயார் செய்கின்றார்கள்.அதுமட்டுமல்ல சுவீட் கடைகளிலும்கூட இதே வேலையைத்தான் செய்கின்றார்கள்.

யார் யாரெல்லாம் தினம் தோறும் டீக்கடையில் பஜ்ஜி, போண்டா சாப்பிடுகின்றார்களோ அவர்களுக்கு வரக்கூடிய நோய் “வயிற்றுப் புற்றுநோய்”. நோய் வேண்டுமா இல்லையா என்பதை சாப்பிடுபவர்கள்தான் தீர்மானிக்க வேண்டும்.

Read More

காலை உணவு அவசியமா?

சிலர் காலை உணவு பற்றி கவலைப்படுவதில்லை. காலை உணவே சாப்பிடும் வழக்கம் இல்லாதவர்களும் இருக்கிறார்கள். ஆனால் காலை உணவு கட்டாயம் சாப்பிட வேண்டும். 

ஏன்?. 

1. காலையில் உடலில் உள்ள சர்க்கரையின் அளவு குறைவாக இருக்கும். அப்போது உடலுக்கு வேண்டிய சக்தியை காலை உணவே தருகிறது. காலை முதல் இரவு வரை நன்கு வேலை செய்யவும் உடலுக்கு சக்தி தேவைப்படுகிறது. அதற்கு காலை உணவு அவசியம். 

2. சிலர் எடையைக் குறைக்க காலை உணவை மட்டும் தவிர்த்து மற்ற நேரங்களில் கொஞ்சம் உண்பார்கள். ஆனால் உண்மையில் காலையில் உண்ணாமல் இருந்து நண்பகலில் குறைவாக உண்ண முடியாது. அப்போதும் வயிறு நிறைய சாப்பிடுவார்கள். ஆனால் அது அவர்களுக்குத் தெரியாது. மேலும் அந்த மாதிரியான நேரங்களில் ஆரோக்கியமான உணவையும் பார்த்து உண்ண மாட்டார்கள். எனவே எடை கூடுமே தவிர, குறையாது. 

3. மேலும் காலை உணவை உண்ணாமல் இருந்தால் முதலில் உடலில் சுரக்கும் இன்சுலின் அளவு அதிகரித்து, பின் கலோரியின் அளவு அதிகரிக்கும். மேலும் இது உடலில் 'Metabolic Disorder-ஐ' ஏற்படுத்தும். இதனால் எடை தான் அதிகரிக்கும். 

4. வேலைக்குச் செல்பவர்களும், பள்ளிக்குச் செல்லும் மாணவ, மாணவியரும் காலை உணவை உண்ணாமல் சென்றால் அவர்களால் வேலையில் கவனத்தைச் செலுத்த முடியாது. காலை உணவு அவர்களுக்கு ஒரு புத்துணர்ச்சியைத் தந்து கவனத்தை அதிகப்படுத்துகிறது. 

5. காலை உணவை உண்டால் உடலில் இருக்கும் தேவையில்லாத கலோரியானது விரைவில் கரைந்து விடும். 

6. வீட்டில் குழந்தைகள் இருந்தால், அவர்கள் நீங்கள் நடந்து கொள்ளும் விதத்தையே பின்பற்றுவார்கள். நீங்கள் காலையில் சாப்பிடாமல் இருந்தால் அவர்களும் அதில் கவனம் செலுத்த மாட்டார்கள். எனவே அவர்களின் ஆரோக்கியம் பாதிக்கப்படும். எனவே நீங்கள் முறையாக காலை உணவை உண்பதன் மூலம் அவர்களுக்கு முன்மாதிரியாக இருங்கள். 

7. காலை உணவை உண்ணும் போது ஊட்டச்சத்து நிறைந்த உணவுகளான தானியங்கள், பழங்கள், பால் போன்றவற்றை உண்டால் உடல் ஆரோக்கியமாக இருப்பதோடு, எடையும் கூடாமல் அளவோடு இருக்கும். 

8. வேலைக்குச் சென்று 'சிடுசிடு' வென்று டென்ஷனாக இருப்பதற்குக் காரணமும் காலை உணவைத் தவிர்ப்பது தான். 

எனவே, காலை உணவைக் கைவிடாதீர்கள்!

Read More

எய்ட்ஸை விட மோசமான இன்னொரு நோய் உடலுறவு மூலம் பரவுகிறது!

இது நாள் வரை மனிதர்களை ‘எய்ட்ஸ்’ எனும் நோய்தான் மிரட்டி வந்தது. அதற்கு ஓரளவு மருந்து கண்டுபிடித்து விட்ட நிலையில் உடலுறவு மூலம் பரவுகின்ற மற்றோரு நோயான வெட்டை நோய் ஆங்கிலத்தில் கொணோரியா (Gonorrhea) என்று அழைக்கப்படும் புதிய நோய் பீதியை கிளப்ப ஆரம்பித்துள்ளது.

இந்த வகையானது ஆண்டிபயாடிக் நோய் எதிர்ப்பு மருந்துகளுக்கு கட்டுப்படாத போக்கு அதிகரித்து வருவதால், அந்நோய் விரைவில் குணப்படுத்த முடியாத ஒரு நோயாக மாறி வருவதை இப்போதே கவனத்தில் எடுத்துக் கொள்ள வேண்டும் என பிரிட்டனில் நடக்கின்ற ஒரு மருத்துவ மாநாட்டில் எச்சரிக்கப்படவுள்ளது.

உலக அளவில் பார்க்கையில் ஒவ்வொரு ஆண்டும் புதிதாக பத்து கோடிப் பேருக்கும் அதிகமானோருக்கு இந்த நோய்த் தொற்று ஏற்பட்டு வருவதாக ஐநா கூறுகிறது. இது நாள் வரை வெட்டை நோயை எதிர்க்கவல்ல புதிய அண்டிபயாடிக் மருந்தை ஆராய்ச்சியாளர்கள் கண்டுபிடிப்பார்கள் என்ற நம்பிக்கையோடு நோயாளிகளுக்கு மற்ற சிகிச்சைகளைத் தந்து காலம் தாழ்த்துவதைத் தவிர சுகாதாரத்துறை நிர்வாகிக்களுக்கு வேறு வழியில்லாமல் போகலாம் என மைக்ரோபயாலஜிஸ்டுகளுக்கான இந்த மாநாட்டில் எச்சரிக்கப்படவுள்ளது.

அதே சமயம் பாதுகாப்பான உடலுறவுப் பழக்கங்கள், மேம்பட்ட நோய்க் கண்டுபிடிப்பு பரிசோதனைகள் போன்றவை அவசியம் என இம்மாநாட்டில் பாலுறவு நோய்கள் சம்பந்தப்பட்ட பிரிட்டனின் முன்னணி நிபுணரான பேராசிரியை கேத்தி ஐசன் குரலெழுப்பவுள்ளார்.

Read More

ஆண் குறி விரைப்படையாமல் போக காரணங்கள் என்ன?

உடலுறவின் போது சில ஆண்களுக்கு ஆண்குறி விரைப்படையாமல் போகலாம். இதற்கு ஒரு குறிப்பிட்ட காரணத்தை மட்டும் சொல்ல முடியாது. பல்வேறு காரணங்கள் இருக்கலாம். மன ரீதியான, உடல் ரீதியான அல்லது சுழ்நிலைக் காரணங்கள் என அவை பல வகைப்படும். 

சிலருக்கு ஒரு சிறு சத்தம் கூடக் கேட்காத சுழ்நிலையாக இருந்தால் தான் உடலுறவில் முழுமையாக ஈடுபட முடியும். சிலருக்கு வெளிச்சமான சுழ்நிலை சரி வராது. இன்னும் சிலருக்கு வெளிச்சமான சுழலில் பெண்ணின் உறுப்பைப் பார்த்தால் தான் உடலுறவு கொள்வதற்கான மூடே வரும். இன்னும் சிலருக்கு போதையில் இருந்தால் தான் உடலுறவே கொள்ள முடியும். அந்த அளவிற்கு அப்படிப் பழக்கி இருப்பார்கள். 

உடல் ரீதியாக எடுத்துக் கொண்டால் சர்க்கரை நோயால் பாதித்திருந்தாலும் கூட ஆண் குறி விரைப்படையாமல் போகலாம். தண்டுவடக்காயம், ரத்தக்குழாய் தடிப்பு, நரம்பு மண்டல நோய், ஆண்குறியில் தொற்று நோய்கள், காயம், அல்லது சிறுநீர்ப்பாதை நோய்கள், ப்ராஸ்டேட் சுரப்பியில் கோளாறு,. நாளமில்லாச் சுரப்பி நீர் குறைவு, ரத்த ஓட்டம் சீராக இல்லாமை, மற்றும் உயர் ரத்த அழுத்தத்திற்கான மருந்துகள், போதை மருந்துகளும் ஆண் குறி விரைப்படையாமல் போக காரணமாக இருக்கின்றன.

Read More

செக்ஸ் உறவை தவிர்க்க வேண்டிய தருணங்கள்...

ஒரு பெண் கர்ப்பமாக இருக்கும் போது அவள் தாம்பத்திய உறவில் ஈடுபடக் கூடாது என்று சொல்லப்படுவதுண்டு. இதைத் தவிர வேறு எந்த மாதிரியான சந்தர்ப்பங்களில் அவள் உறவைத் தவிர்க்க வேண்டும்...? 

* கர்ப்பமாக இருக்கும் போதும் முதல் மூன்று மற்றும் கடைசி மூன்று மாதங்களைத் தவிர்த்து இடைப்பட்ட மாதங்களில் மிதமான செக்ஸ் வைத்துக் கொள்ளலாம். கர்ப்பிணி மனைவியைக் கட்டாயப்படுத்தி உறவு வைத்துக் கொண்டால், அவளது உடல் மற்றும் மனம் பாதிக்கப்படுவது மட்டுமின்றி பிறக்கும் குழந்தையின் மனநிலையும் பாதிக்கப் படக்கூடும். 

* பிரசவத்திற்குப் பிறகு சில தகவல்களைக் கருத்தில் கொண்டே தம்பதியர் உறவில் ஈடுபட வேண்டும். அதாவது பிரசவம் சிக்கலின்றி அமைந்ததா, சுகப் பிரசவமா அல்லது சிசேரியனா என்று பார்க்க வேண்டும். 

* சாதாரணமாக குழந்தைப் பேற்றுக்குப் பிறகு ஒரு பெண்ணின் கருப்பை சுருங்கி இயல்பு நிலையை அடைய ஆறு வாரங்களாகும். இது தோராயக் கணக்குதான். சில பெண்களுக்கு அவரவர் உடல்நிலையைப் பொறுத்து இந்தக் கணக்குக் கூடலாம். எனவே அப்பெண்ணின் உடல்நலம் சீராக இருப்பதாக மருத்துவர் உத்தரவாதம் கொடுத்த பிறகே உறவு கொள்ள வேண்டும். 

* குழந்தை பிறக்கும் போது பெண்ணின் உடலுறவுப் பாதையில் காயங்கள் ஏற்பட்டிருந்தால் அவை ஆறுகிற வரை உறவைத் தவிர்க்க வேண்டும். 

* கணவனுக்குத் தொற்றும் வகையில் ஏதேனும் நோய் இருந்தால், அது முற்றிலும் குணமாகிற வரை மனைவி அவனுடன் உறவைத் தவிர்க்க வேண்டும். 

* பிரசவத்திற்குப் பிறகு பெண்ணின் உடல்நலம் முற்றிலும் சரியாகி விட்ட போதிலும், அவளுக்கு உறவில் விருப்பமில்லை என்று தெரிந்தால், அதற்குக் கட்டாயப்படுத்துவது கூடாது. 

* உறவில் ஈடுபடும் போது உடலுறவுப் பாதையில் கடுமையான எரிச்சலோ, வலியோ இருந்தால், அதை உடனடியாகத் தவிர்ப்பது நல்லது. 

* கருச்சிதைவுக்கு உள்ளானவர்களும், குறைமாதப் பிரசவத்துக்கு ஆளானவர்களும் மருத்துவரின் ஆலோசனையின் பேரிலேயே உறவைத் தொடங்க வேண்டும். 

* மாதவிலக்கு நாட்களில் உறவு கொண்டால், கருத்தரிக்காது என்று பலரும் அந்நாளில் உறவு கொள்ள நினைப்பதுண்டு. ஆனால் அதை முழுமையாக நம்புவதற்கில்லை. அந்நாட்களில் உறவு கொள்வதன் மூலம் கணவன்-மனைவி இருவருக்குமே தொற்று நோய்கள் பரவ வாய்ப்புகள் அதிகம். 

* பெண் நோய் வாய்ப்பட்டிருந்தால் அந்நாட்களில் உறவைத் தவிர்ப்பதே நல்லது. 

* கைக் குழந்தையிருக்கும் போது உறவில் ஈடுபட்டால் தாய்ப்பால் இல்லாமல் போய் விடும் என்று பல பெண்கள் அதைத் தவிர்ப்பதுண்டு. ஆனால் இது வெறும் மூட நம்பிக்கையே. குழந்தை பிறந்து, குறுகிய காலத்திலேயே உறவு கொண்டால் கடுமையான வலி இருக்கும் என்ற பயத்திலேயே அதைத் தவிர்க்கச் சொல்கிறார்கள். 

* பிரசவித்த பெண்கள் தாய்ப்பால் கொடுப்பதே கருத்தடை முறை என்று நினைத்துக் கொண்டு, தைரியமாக உறவு கொள்வதுண்டு. ஆனால் அதை நூறு சதவிகிதம் நம்ப வேண்டாம். ஏதாவதொரு காரணத்தால் பால் வற்றி விட்டால், அந்தப் பெண் கருத்தரிக்க வாய்ப்புகள் உண்டு.

Read More

பெண்களை எளிதாகக் கவரும் ஆண் எப்படிப்பட்டவன்...?

ஒரு பெண்ணை அடைவதென்பது அவ்வளவு சுலபமான காரியம் கிடையாது. இப்படிச் சொல்பவர்களும் உண்டு. நான் ஒரு பெண்ணை விரும்பினால் அவளை அடையாமல் விட மாட்டேன்.... அது எனக்கு மிக எளிதான காரியமும் கூட... இப்படி முரண்பட்ட கருத்துக்களை நாம் பார்க்கலாம். ஆம். மனதில் நினைத்த பெண்ணை அடைய முடியவில்லையே என்ற ஏக்கத்தில் தற்கொலை செய்து கொண்ட செய்திகளையும் கேள்விப்படுகிறோம். அதே சமயம், ஒரே ஆண் நினைத்த பெண்களையெல்லாம் அனுபவித்த கதைகளையும் கேள்விப்படுகிறோம். இந்த இரண்டு விதமுமே நாட்டில் உண்டு. சரி. தோல்வியடைந்து புறமுதுகிட்டுப் போகும் ஆண்களைச் சற்று ஒதுக்கி வைத்து விட்டு, இதில் தான் நினைத்த படி வெற்றி பெறும் ஆண்களைப் பற்றிக் கொஞ்சம் தெரிந்து கொள்ளலாமா?... 

தான் விரும்பிய பெண்ணை மிக எளிதாக அடைந்து விடும் ஆண்களுக்கென சில விஷேசக் குணங்கள் இருப்பதாக காமசூத்திரம் தொகுத்துக் கூறுகிறது. எப்படி? நாமும் அவற்றைத் தெரிந்து கொள்ளலாம்... 

1. பெண்களைச் சந்தோஷப்படுத்தும் செயல்களைச் செய்பவன். 
2. விருந்துகளில் மகிழ்ச்சியாக இருப்பவன்.
3. ஏராள, தாராளமாகப் பரிசுப் பொருட்களை வழங்குபவன்.
4. பிற ஆணுக்காகத் தூது செல்பவன்.
5. அன்பான குணத்தை இயற்கையாகவே கொண்டவன்.
6. உல்லாசமாக இருப்பதில் அதிக ஆர்வம் காட்டுகிறவன்.
7. அதிகத் துணிச்சல் உள்ளவன்.
8. ஒன்றக வளர்ந்தவன்... 
9. காம சாஸ்திரம் நன்கு கற்றவன்.
10. அடிக்கடி பெண்கள் பார்வையில் தெரியும் படி இருப்பவன், நடந்து கொள்பவன்.... 
11. இளம் பருவத்தில் தோழனாக இருந்தவன்.
12. மனதைக் கவரும் கதை சொல்வதில் வல்லவன்... 
13. புதுமாப்பிள்ளை.
14. முதலாளியாக இருப்பவன்.
15. தாராள மனப்பான்மை உள்ளவன்.
16. ரகசியத்தை அறிந்தவன்.
17. அவளது தோழனுடன் தொடர்பு உள்ளவன் .
18. பெண்ணின் கணவனை விட, அழகிலும், அறிவிலும் சிறந்தவன்....

Read More

ஆண்களிடம் எளிதில் மயங்கும் பெண்கள் எப்படிப்பட்டவர்கள்...?

ஆண்களிடம் எளிதில் மயங்கி விடும் பெண்கள் எப்படிப்பட்டவர்களாக இருப்பார்கள் என்பது பற்றி என அறிந்து கொள்வோம்.... 

எல்லாப் பெண்களும் ஆண்களிடம் அவ்வளவு சுலபமாக மயங்கி விடுவதில்லை. அவர்களுக்குப் பிடிக்க வில்லையென்றால், திரும்பிக் கூடப் பார்க்க மாட்டார்கள். ஆனால் மனதுக்குப் பிடித்துப் போன ஆணுக்காக எதையும் செய்யவும் தயங்க மாட்டார்கள். ஆனால் சில பெண்கள் சிறிது முயற்சி செய்தாலே போதும். மயங்கி விடுவார்கள். இப்படி இவர்கள் மயங்குவதற்கு காமசூத்திரம் 20 காரணங்களைக் கூறுகிறது. அவை... 

• வேற்று ஆண்களை உற்று உற்றுப் பார்க்கிறவள்.... 
• வஞ்சக நோக்கம் உடையவள்... 
• அடிக்கடி வீட்டு வாசலில் நிற்பவள் 
• வலியச் சென்று பழகும் குணம் உள்ளவள் 
• தூது செல்பவள் 
• தெருவில் போவோர் வருவோரை வேடிக்கை பார்க்கிறவள் 
• குலப் பெருமையை அறிந்திராதவள் 
• மலடி 
• கணவனிடமிருந்து விலகி வாழ்பவள் 
• செக்சில் மிகுந்த விருப்பம் கொண்டவள் 
• வீட்டைத் தவிர, வெளி இடங்களில் மகிழ்ச்சியுடன் இருப்பவள்... 
• கட்டுப்பாடு இல்லாதவள் 
• அசாதாரணக் குணம் உள்ளவள் 
• தகுதியற்றவனை மணந்தவள் 
• வயதான கணவனைக் கொண்டிருப்பவள் 
• இளம் வயதில் கணவனை இழந்தவள் 
• அடிக்கடி வெளியூர் செல்லும் கணவனைப் பிரிந்திருக்க நேர்பவள் 
• காம இச்சை அதிகம் கொண்டவள் 
• ஆண்மையற்ற கொடுமைக்குணம் உள்ளவனை மணந்தவள் 
• கணவனை வெறுப்பவள்.... 

இப்படி வரையறுத்துக் கூறுகிறது,எளிதில் ஆண்களிடம் மயங்கும் பெண்களைப் பற்றி....

ஆண்களின் மனதில் காம இச்சை இயற்கையாக உண்டாகிறது. அதற்கு வடிவம் கொடுக்கும் வகையில் அவன் கடும் முயற்சிகள் செய்து பெண்ணை அடைகிறான். இதற்கிடையில் ஆபத்து வந்தால் அதையும் சமாளித்து வெற்றி கொள்கிறான். ஆனால் காம சாஸ்திரங்கள் மற்றவன் மனைவியையும், தன் மனைவியைத் தவிர வேறு பெண்களையும் விரும்புவதை ஆதரிக்க வில்லை. அதைத் தவறு என்கிறது அது.

Read More

கன்னித்திரை கிழிந்த பெண்கள் கற்பிழந்தவர்களா?

கன்னித்திரை கிழிந்த பெண்கள் கற்பிழந்தவர்கள் என்று ஒரு காலத்தில் கருதப்பட்டது.

பெனியம் என்பது மயிர் அற்ற பகுதி. உதட்டின் அடிப்பகுதிக்கும் ஆசன வாய்க்கும் இடையே உள்ளது. தொடும்போதும் அழுத்தும் போதும் இந்தப் பகுதி கிளர்ச்சி அடைகிறது. பெண்குறி நுழைவாயிலில் கன்னித்திரை என்னும் மெல்லிய திரை உள்ளது. அதிலுள்ள நுண்ணிய துளைகள் வழியே மாதவிடாய் ரத்தம் வெளியே கசியும். இதுவும் பெண்ணுக்குப் பெண் அளவு, பருமன் ஆகியவற்றில் மாறுபடும். 

கன்னித்திரை கிழிந்த பெண்கள் கற்பிழந்தவர்கள் என்று ஒரு காலத்தில் கருதப்பட்டது. இதுவும் ஒரு மூட நம்பிக்கையே. இதற்காகவே ஜப்பானிலும், இத்தாலியிலும் சில மருத்துவர்கள் புதிய கன்னித்திரையைப் பெண்களுக்குப் பொருத்தி விடுகிறார்கள் எனத் தெரிகிறது. 

கன்னித்திரை சில பெண்களுக்கு இளம் வயதிலேயே கிழிந்து விடும். தேகப்பயிற்சி, சைக்கிள் ஓட்டுதல், சுய இன்பத்தின் போது கை விரலையோ அல்லது வேறு பொருளையோ நுழைப்பதன் மூலம் கன்னித்திரை கிழிந்து போகலாம். சில பெண்கள் பிறக்கும் போதே கன்னித்திரை இன்றிப் பிறப்பதுவும் உண்டு. உடலுறவினாலும் சில பெண்களுக்கு கிழிந்து போகாது. இதை வைத்து அவர்களது நடத்தையைக் கணக்கிடுவது தவறு.

Read More

குழந்தையின் நுண்ணறிவுத் திறனை அதிகரிக்கும் தாய்ப்பால்

தாய்ப்பாலில் உள்ள நோய் எதிர்ப்பு சக்தியே குழந்தைகளின் ஆரோக்கியமான வளர்ச்சிக்கு உதவுகிறது. குழந்தைகளின் நுண்ணறிவுத் திறனை அதிகரிப்பதில் தாய்ப்பால் முக்கிய பங்கு வகிப்பதாக ஆய்வு முடிவு ஒன்று தெரிவிக்கிறது. புட்டிப்பால் குடித்து வளர்ந்த குழந்தைகளை விட தாய்ப்பால் குடித்து வளர்ந்த குழந்தைகளின் நுண்ணறிவுத் திறன் பல மடங்கு அதிகரித்திருப்பதாக கனடாவைச் சேர்ந்த பல்கலைக்கழக ஆய்வு ஒன்றில் கண்டறியப்பட்டது. 15,000 குழந்தைகள் இந்த ஆய்வில் ஈடுபடுத்தப்பட்டனர். முதல் 3 மாதங்கள் தொடங்கி 12 மாதங்கள் வரை தாய்ப்பால் ஊட்டி வளர்க்கப்பட்ட பிள்ளைகளில் 5.9 சதவிகிதம் அதிக நுண்ணறிவுத்திறன் வெளிப்பட்டிருக்கிறது கண்டறியப்பட்டது.

தாய்ப்பால் ஊட்டி வளர்க்கப்பட்ட குழந்தைகள் ஆறு வயதை அடையும் நிலையிலேயே தமது நுண்ணறிவுத்திறனைக் காண்பிக்க ஆரம்பித்து விடுவதாக ஆய்வாளர்கள் தெரிவித்துள்ளனர். இதற்குக் காரணம் தாய்ப்பாலின் கட்டமைப்பில் மூளை வளர்ச்சிக்கு அவசியமான கொழுப்பு அமிலங்கள் தான் என்கின்றனர் ஆய்வாளர்கள். பாலூட்டும்போது தாய்க்கும் பிள்ளைக்கும் இடையே ஏற்படும் உடல்ரீதியான தொடுதல் மற்றும் பேச்சுப் பரிமாற்றங்கள் கூட இதில் தோற்றத்தை ஏற்படுத்தியிருக்கலாம் என்றும் ஆய்வாளர்கள் கூறுகின்றனர். ஆனால் குழந்தைகளின் நுண்ணறிவு வளர்ச்சி தாய்ப்பாலின் நேரடி விளைவால் ஏற்படுகிறதா அல்லது தாய்ப்பால் ஊட்டும்போது தாய்க்கும் பிள்ளைக்கும் இடையே ஏற்படும் பலமான உறவுப்பாலம் மூலம் ஏற்படுகிறதா என்பதை ஆய்வாளர்களால் உறுதியாக தெரிவிக்க முடியவில்லை. குறைந்தது 6 மாதங்களாவது குழந்தைகளுக்குப் பாலூட்டுவது நுண்ணறிவுத்திறனை மட்டுமன்றி நோய் எதிர்ப்பு சக்தியையும் அதிகரிக்கும்.

Read More

டீன் ஏஜில் அழகை பாதுகாப்பது எப்படி?

டீன் ஏஜ் பெண்கள், உணவில் கவனிக்க வேண்டிய விஷயங்கள் சில உண்டு. பழம், சாலட், ஆடை நீக்கிய பால் போன்றவற்றை உணவில் சேர்க்க வேண்டும். சாக்லேட், கேக், பொரித்த உணவுகளை அதிகமாக உணவில் சேர்க்கக் கூடாது.சருமம் பளபளப்பாக இருக்க, கிரீம் பயன்படுத்த தேவையில்லை. குளிர்ந்த நீரும், சோப்பும் போதும்.

முகப்பருவை ஒரு போதும் உடைத்து விடக் கூடாது. அப்படி உடைத்தால், அது கரும்புள்ளியாக மாறி, அழகை கெடுக்கும். கஸ்தூரி மஞ்சளையும், சந்தனத்தையும் அரைத்து, முகத்தில் பூசினால் முகப்பரு நீங்கும். வறண்ட சருமத்தை கொண்ட பெண்கள், வாரத்திற்கு ஒரு முறை ஆலிவ் எண்ணெயை முகத்தில் தேய்த்து, இளம் சுடு நீரில் சோப்பு உபயோகித்து கழுவலாம். டீன் ஏஜ் பெண்கள், பேபி சோப் அல்லது கிளிசரின் சோப் பயன்படுத்துவது நல்லது. டீன்-ஏஜ் பெண்கள், பற்களை பாதுகாப்பதில் அதிக கவனம் செலுத்த வேண்டும். சீரற்ற பற்களின் வரிசையை சரி செய்யவும், உயர்ந்து நிற்கும் பற்களை சமன்படுத்தவும் பல் மருத்துவரை அணுகவும்.

அளவுக்கு அதிகமாக மேக் – அப் போட்டுக் கொள்ளக் கூடாது. அழகாக இருக்க வேண்டுமானால், உடற்பயிற்சியோ, நடை பயிற்சியோ அவசியம் செய்ய வேண்டும்.

Read More

மருக்கள் வராமல் பராமரிப்பது எப்படி?

மனிதர்களின் தோலில் எற்படும் மருக்கள், பபில்லோமா வைரசால் ஏற்படுகிறது. பொதுவாக மருக்கள் கைகளில் வரக்கூடியவை. கடின வகை உள்ளிட்ட பல்வேறு வகையான மருக்களும் உள்ளன. மருக்கள் வந்த இடத்தில் தோல் சற்று தடிமனாகவும், கடினமாதாகவும் காணப்படும். மருக்கள் எந்த வயதிலும், எந்த இடத்திலும் வரலாம். உடலில் தொடர் மருக்கள் சில நேரங்களில் ஏற்படும். அவைகளை உரிய சிகிச்சையின்றி அகற்றுதல் அரிது. 

பொதுவாக குழந்தைகள் மற்றும் டீன்ஏஜ் வயதினருக்கு நோய் எதிர்ப்பு சக்தி குறையும்போது மருக்கள் உடலில் பரவும். மருக்கள் ஏற்படுத்தும் வைரஸ்கள் 50க்கும் மேற்பட்டவை உள்ளன. இவைகள் மரபு சார்ந்த வைரஸ்களாகும். இதில் குறிப்பிடத்தக்க வைரஸ்கள் வகைப்படுத்தப்பட்டுள்ளன. அவை ஒவ்வொன்றும் வெவ்வேறு தோற்றத்திலும், அளவிலும் மனித உடலில் காணப்படும்.

ஒருசில வரைஸ்கள் கழுத்து பகுதியில் புற்றுநோயை உண்டாக்க கூடியது. இதில் குறிப்பிடத்தக்க வகையை 16 மற்றும் 18 வைரஸ்களை சொல்லலாம். இந்த மருக்கள் ஒரு மனித தோலில் இருந்து மற்றொரு தோலுக்கு எளிதில் பரவக்கூடியது. குறிப்பாக ஈரப்பாதமான சூழலில் வசிப்பவர்களுக்கு இந்த வைரஸ்கள் மருக்களை எளிதில் பரப்பி விடும். இவைகள் பல நேரங்களில் தீர்க்கப்பட முடியாமலும், வினோதமாகவும் காணப்படும்.

அனோஜெனிட்டல் வகையை சார்ந்த மருக்களை கூறலாம். இது பாலியல் தொடர்பு உடையவர்களை அதிகமாக தாக்கக் கூடியவை. ஏனெனில் பாலியல் தொழிலில் ஈடுபடுபவர்கள் மூலமாக அவர்களுடைய வாடிக்கையாளர்களுக்கு தோல் மூலம் எளிதில் பரவக்கூடியது. இது, அவர்களின் குழந்தைகளுக்கும் பாதிப்பை ஏற்படுத்தும். இந்த வகை மருக்களை பல வாரங்கள் அல்லது மாதக்கணக்கில் முறையான சிகிச்சை மூலம் குணப்படுத்த முடியும்.

மருக்களின் வகைகள்:

பொதுவகையான மருவிற்கு வெருக்கா வல்கேரிஸ் என்று மருத்துவ பெயர் உண்டு. இவைகள் தடிமனாக காணப்படும். ரத்ததட்டுக்களை அடைப்பதன் மூலம் மெல்லிய தோலில் தன்னுடைய பங்களிப்பை எளிதில் பதிவு செய்து விடும். இந்த மருக்கள் பொதுவாக கைகள், முட்டி மற்றும் கால் மூட்டுகளில் காணப்படும்.

தட்டைவகை மருக்கள்:

பார்ப்பதற்கு மென்மையாகவும் உடலின் மென்மையான பகுதிகளிலும் காணப்படும். இவைகள் பெரும்பாலும் பிரவுன் அல்லது தோலின் நிறத்தில் காட்சியளிக்கும். இந்தவகை மருக்கள் பெண்களின் முகத்தில் பெரும்பாலும் காணப்படும். அவைகளை எளிதாக அகற்ற முடியும்.

படர்வகை மருக்கள் :

இந்த மருக்கள் பாதத்தின் அடிப்பகுதியில் கடினமான தோற்றத்தில் காணப் படும். ரத்த தட்டுக்களில் ஏற்படும் பாதிப்பினால் கரும்புள்ளிகளாக இந்த மருக்கள் தோற்றம் அளிக்கும். பல நேரங்களில் அசெளகரியமான உணர்வினை இந்த மருக்கள் ஏற்படுத்தும். எதிர்பாராத விதமாக உடலில் சில பகுதிகளில் பெரிய அளவில் படரக்கூடியவை. இந்த மருக்கள் மிகவிரைவில் மற்றொரு மருவை ஏற்படுத்துவதன் மூலம் உடலில் படர் மருவாக காட்சியளிக்கும்.

பிறப்புறுப்பில் காணப்படும் மருக்கள் :

ஏற்கனவே மேலே சொன்னதுபடி பாலியல் தொழிலாளிகளுக்கும் அதன் வாடிக்கையாளர்களுக்கும் இந்த வகை வைரஸ்களால் அவர்களின் பிறப்புறுப்புகளில் இந்தவகை மருக்கள் தோன்றும். இவை பெரும்பாலும் தோலின் நிறத்திலேயே சிறிய அளவிலேயே காணப்படும். சில நேரங்களில் தோலின் தடித்த பகுதியாக மாறிவிடும். இதற்கு காரணம் எச்பிவி 16 மற்றும் 18 வகை வைரஸ்களே.

இந்த வகை மருக்களுக்கு பவோனைடு பெப்லாசிஸ் என்று பெயர். இந்த வகை மருக்களால் புற்றுநோய் ஏற்படும் வாய்ப்புகளும் உண்டு. பாலியல் தொழிலில் ஈடுபடுவர்களுக்கு மார்பக புற்றுநோய் மற்றும் கழுத்து பகுதியிலும் புற்றுநோயை உண்டாக்க கூடியவை. இந்த வகை மருக்களை தலைசிறந்த மருத்துவர்களால் மட்டுமே குணப்படுத்த முடியும்.

Read More